गजल - भेटी पुजारीको नाउँमा हुन्छ

श्रृजनाका लहरहरुको श्रृंखला १०४ मा बाचन भएको मेरो यौटा गजल
...........................................

भेटी पुजारीको नाउँमा हुन्छ ।।
मान्छेहरु आफ्नै दाउमा हुन्छ ।।

औकातको घमण्ड कति गर्छौ
इमानहरु यहाँ बिकाउमा हुन्छ ।।

आकास जमिन जतिनै फरक
समुद्र र सानो तलाउमा हुन्छ ।।

विदेशी चकलेट किसमिस भन्दा
शक्ति नेपालको स्याउमा हुन्छ ।।

गरिबको घरमा एकदाना नहुँदा
सामन्तकोचैं भरिभराउमा हुन्छ ।।

देखिने भन्दा पनि कयौगुना बढी
पिडाहरु नदेखिने घाउमा हुन्छ ।।
राम शरण श्रेष्ठ
चिसापानी ६, रामेछाप ।
http://chisapaninepal.blogspot.com/